"ეს სანქციები მთლიანად საბანკო სისტემას, ბიზნესს და რიგით მოქალაქეებს შეეხებათ" - ნინო ლომჯარია - პალიტრა ვიდეო

ყო­ფი­ლი სა­ხალ­ხო დამ­ცვე­ლი ნინო ლომ­ჯა­რია სო­ცი­ა­ლურ ქსელ­ში სან­ქცი­ებ­თან და­კავ­ში­რე­ბით ეროვ­ნუ­ლი ბან­კის ახალგ ბრძა­ნე­ბას ეხ­მა­უ­რე­ბა. მისი თქმით, ამე­რი­კუ­ლი სან­ქცი­ე­ბის გვერ­დის ავლა ქვეყ­ნის სა­ბან­კო სის­ტე­მის მიერ იწ­ვევს გარ­და­უ­ვალ და უფრო მძი­მე სან­ქცი­ებს, რო­მე­ლიც მთლი­ა­ნად სა­ბან­კო სის­ტე­მას, ბიზ­ნეს­სა და რი­გით მო­ქა­ლა­ქე­ებს შე­ე­ხე­ბათ.

"მოკლედ, რა იქნება ამის შემდეგ: ამერიკული სანქციების გვერდის ავლა ქვეყნის საბანკო სისტემის მიერ იწვევს გარდაუვალ და უფრო მძიმე სანქციებს. ეს სანქციები უკვე შეეხებათ არა მხოლოდ ფარცხალაძისნაირ რუსეთის აგენტებს, არამედ, მთლიანად საბანკო სისტემას, ბიზნესს, რიგით მოქალაქეებს.

ის რომ ევროკავშრის სტატუსი ცხვირწინ გამოგვაცალეს არ ეყოთ და ახლა იზოლირებულ და დასანქცირებულ ქვეყნად უნდათ რომ გვაქციონ!

ნათია თურნავა ხარ თუ ვინც ხართ მანდ საქართველოს ეროვნული ბანკი • National Bank of Georgia დროზე გააუქმეთ ეგ სამარცხვინო ბრძანება სანამ მოთმინება გვყოფნის, რუსეთის აგენტებს გადაგაყოლებინებთ ახლა ზუსტად ამ ქვეყანას და ჩვენი შვილების მომავალს! სამარცხვინოებო თქვენ!" - წერს ნინო ლომჯარია.

შეგახსენებთ, რომ საქართველოს ეროვნულმა ბანკმა სანქციათა რეჟიმების შესრულების წესში საქართველოს მოქალაქეებთან დაკავშირებით გამონაკლისი დაუშვა. ეროვნული ბანკის პრეზიდენტის მოვალეობის შემსრულებლის, ნათია თურნავას ბრძანება საკანონმდებლო მაცნეში უკვე გამოქვეყნებულია. აღსანიშნავია, რომ საქართველოს ერთადერთი მოქალაქე, რომელიც საერთაშორისო ფინანსური სანქციების ქვეშ მოხვდა, ყოფილი გენერალური პროკურორი ოთარ ფარცხალაძეა.

კერძოდ, ცვლილების მიხედვით, „საქართველოს მოქალაქეზე არ შეიძლება გავრცელდეს საერთაშორისო სანქციები, თუ ქართულ სასამართლოში მის მიმართ შესაბამის საქმეზე გამამტყუნებელი განაჩენი არ დადგა“.