"დაშლილი, მოშლილი, ჩაშლილია... ყველა ეს სიტყვა უხდება მათ" - ირაკლი კობახიძე ოპოზიციაზე - პალიტრა ვიდეო

"კონკურენცია, რომელიც, ხაბეიშვილს, ლომჯარიას და სხვებს შორის არის, შიდაპარტიული კონკურენციაა „ნაცმოძრაობის“ შიგნით, ჩვენ ამაში არ ვერევით, რატომ უნდა ჩავერიოთ, რაც მეტი იქნება შიდა დაპირისპირებები - ხაბეიშვილი, სხვებიც არიან, თვითონ სააკაშვილია ამ დაპირისპირების მონაწილე, იქ არის მელია, იქ არის უგულავა, ლომჯარია, რაც მეტი იქნება მათ შორის შიდა დაპირისპირება, მით უკეთესი, მათ შიდა საქმეებში არ ჩავერევით, პირიქით, მე მგონი, ძალიან კარგია შიდა დაპირისპირებები და მაქსიმალურად თავისუფლება უნდა მივცეთ. ოპოზიცია სუსტი კი არა, მართლა დაშლილია, მოშლილი, ჩაშლილი, ყველა სიტყვა უხდება მათ.

თვითონ ლომჯარიას რომ წარმოაჩენ შუაშისტად, რასაც მათი პატრონები აკეთებენ, ეს უკვე იმაზე მიუთითებს, რომ დაგეგმვაში აბსოლუტურად უსუსურები არიან. მერე ჩვენზე ბრაზდებიან, რატომ ვიგებთ არჩევნებს, რატომ აგებენ „ნაცები“ ყოველ ჯერზე არჩევნებს. ლომჯარია რომ გამოგყავს და ამ მართლა „ნაცს“ წარმოაჩენ შუაშისტად, რა თქმა უნდა, წაგებული დარჩები. ვის უნდა წაართვას ლომჯარიამ ხმები? მაქსიმუმ, ხაბეიშვილს წაართვას. შესაბამისად, მუდმივად ცდებიან დაგეგმვაში, მერე ჩვენზე ბრაზდებიან, როცა დიდი უპირატესობით ვიგებთ არჩევნებს. რა თქმა უნდა, შემდეგ არჩევნებსაც დიდი უპირატესობით მოვიგებთ, ლომჯარია ბევრად უფრო სუსტი პროექტია, ვიდრე თავის დროზე „ლელო“ და გახარია იყო." - ამის შესახებ ირაკლი კობახიძემ ჟურნალისტებს ოპოზიციის შესახებ დასმული კითხვის საპასუხოდ განუცხადა.