"ბოდიში არაკორექტული ლექსიკისთვის! რესტორანში რუსმა ქალმა შეურაცხყოფა მიაყენა ჩემს ოჯახს! თუ დამიჭერენ, იცოდეთ სიმართლე! ამიტომ ვდებ ვიდეოს, სადაც ჩანს ყველაფერი" - რა კადრები ვრცელდება სოციალურ ქსელში?
"ბოდიში არაკორექტული ლექსიკისთვის, მაგრამ ჩემი ცოლ-შვილი ხინკალს ჭამდა ჩვენს სახლთან რესტორანში, სადაც ხშირად ვაჭმევთ ბავშვებს. მესამე შვილი დავაძინე და მე მყავდა, რომ ეჭამათ ცოლს და ორ უფროს შვილს საჭმელი ნორმალურად.
ბავშვები დარბოდნენ და იცინოდნენ, არავის მაგიდას არ შეხებიან და არც ვინმე შეუწუხებიათ ასე შეხებით, უბრალოდ დარბოდნენ და იცინოდნენ.
ამ დროს ორი რუსი იჯდა რესტორანში, ქალმა შეურაცხყოფები მიაყენა ჩემს ოჯახს, უთხრა წადით, სახლში ჭამეთო, идите в жопу და მსგავსი ტექსტებით. ჩემი მეუღლე წამოვიდა რესტორნიდან და ამის შემდეგ ჩავედი და საკადრისი პასუხი გავეცი. ისწავლონ სტუმრებმა სტუმრობა!!! თუ დამიჭერენ, იცოდეთ სიმართლე, ამიტომ ვდებ ვიდეოს, სადაც ჩანს ყველაფერი!!!" - ამის შესახებ გიორგი გაბედავა სოციალურ ქსელში წერს და ვიდეოს აქვეყნებს.