“ამ სასმელების ერთ-ერთი ასეთი გვერდითი მოვლენაა ძილის დარღვევა“ - ინფექციონისტი მშობლებს აფრთხილებს - პალიტრა ვიდეო

ინფექციონისტი მაია ბუწაშვილი მშობლებს აფრთხილებს:

“აშშ-ში პედიატრები და მშობლები მოითხოვენ, რომ ბავშვებზე აიკრძალოს ენერგეტიკული სასმელების გაყიდვა, ანუ დაწესდეს იგივე შეზღუდვები, რაც თამბაქოსა და ალკოჰოლზე არსებობს. ამ მოსაზრებას მხარს უჭერს ამერიკის სამედიცინო ასოციაციაც. პედიატრების არგუმენტია კოფეინის ის მაღალი შემცველობა, რომელიც ბავშვთა და მოზარდობის ასაკში ჯანმრთელობისთვის საზიანოა. ამ სასმელების ერთ-ერთი ასეთი გვერდითი მოვლენაა ძილის დარღვევა (სხვა სიმპტომებთან ერთად).

ჩვენთან ამ საკითხის მიმართ, რასაც ვაკვირდები, სპეციფიკური დამოკიდებულება აქვს ზოგიერთ მშობელს - სასტიკად უკრძალავენ ბავშვს ყავის დალევას, ხოლო ენერგეტიკულ სასმელებზე ამ შეზღუდვას არ უწესებენ. ამაში, ცხადია, ლოგიკა არ არის. ენერგეტიკულ სასმელებში კოფეინის შემცველობა რამდენჯერმე აღემატება, მაგალითად, "კოკა-კოლაში" კოფეინის შემცველობას და ზოგიერთ შემთხვევაში ყავაზე მაღალიც არის.“ - წერს ბუწაშვილი.