რა იცვლება „დაგროვებითი პენსიის შესახებ“ კანონში?
საპარლამენტო უმრავლესობა გეგმავს, გაითვალისწინოს გამოთქმული შენიშვნები და 50 წლამდე მოქალაქეებიც აღარ გადაიყვანოს მაღალრისკიან ან საშუალორისკიან კატეგორიაში და მათ მიერ დაგროვებული საპენსიო დანაზოგი კვლავ ნაკლებრისკიან პორტფელში დატოვოს. "პალიტრავიდეოს" ჯანდაცვის კომიტეტის თავმჯდომარემ, ზაზა ლომინაძემ უთხრა, რომ პარლამენტში კანონპროექტს ამ ცვლილებების გათვალისწინებით მიიღებენ.