"ეს რას ვხედავ, კატასტროფაა... ყურებაც კი მძიმე იყო" - სოციალურ ქსელში გავრცელებულ კადრებს საზოგადოების კრიტიკა მოჰყვა
"მოძრავ ავტომობილში ბავშვი წევს წინა საქარე მინასთან და მშობლები ვიდეოს უღებენ. როდესაც ცნობიერება დაბალია, ამ დროს უნდა მოქმედებდეს კანონი" - ამის შესახებ მოძრაობის "ჩემი ქალაქი მკლავს" მიერ გამოქვეყნებული ვიდეოს აღწერაშია მითითებული.
ვიდეოს საზოგადოების მხრიდან კრიტიკული გამოხმაურება მოჰყვა.
"ეს რას ვხედავ, კატასტროფაა...
აი, უცებ რომ მძღოლს ტორმუზის გამოყენება დასჭირდეს, ფიქრობენ, რომ ბავშვი უვნებელი დარჩება ან რომელიმე ბავშვს უშველის?
მე კიდევ ქარსითში რომ მიზის, მაგაზე გიჟდებიან, არ გეცოდება ბავშვი, გაკოჭილი რომ გყავსო? ან კიდევ, არ ჩერდება ჩემი და რა ვქნაო, ჩემს კალთაში უფრო უსაფრთხოდააო. ეგ ხალხიც საშიშია...
შვილის გაჩენის უფლება ყველა ადამიანს არ უნდა ჰქონდეს!!! ჯერ იმ დედების გამკვირვებია, ქარსითზე რომ არაფერი სმენიათ… და ეს ხო საერთოდ, აქვე შევუჩერებდი ამ მშობლებს ბავშვზე “ზრუნვის” უფლებას!!!
კარგი რაა, ისედაც ამდენი საცდური და საფრთხეა ამ ქვეყანაში, ასე რატომ რისკავთ? რა ჯანდაბას აკეთებთ? უნდა იყოს დასჯადი ასეთი გაუფრთხილებლობა...
ჯარიმა ცუდი აღზრდის და ბავშვის უყურადღებობისთვის, ჩამოერთვათ ტელეფონები ასეთ ოჯახებს.
მეჯავრება ის მშობელი, ვისაც საჭესთან უზის პატარა ბავშვი და ეს ხომ საშინელებაა. რას ფიქრობენ საერთოდ...
უნდა დაისაჯონ მშობლები...
ეს დანაშაულია! სისხლის სამართლებრივი დარღვევა და უმკაცრესად ისჯება! აუცილებლად მოჰყვება ამ ფაქტს გამოხმაურება.
არიან მშობლები, რომლებსაც შვილებზე მეტად სჭირდებად აღზრდა, სამწუხაროდ...
პოტენციური მკვლელი მშობლები არიან ესენი!
ღმერთმა დაიფაროს და რამე რო მოსვლოდა ბავშვს? ჩემთვის ყურებაც კი მძიმე იყო....
ამ საფრთხის გააზრებას არ სჭირდება ცნობიერების ამაღლება! ამის გაუაზრებლობააა დანაშაული!!!" - წერენ ვიდეოს კომენტარებში სოციალური ქსელის მომხმარებლები.