"თბილისიდან ფოთში მიმავალ მატარებელს ტექნიკური პრობლემა შეექმნა და ამ წუთებში სადგურ რიონშია გაჩერებული" - საქართველოს რკინიგზა განცხადებას ავრცელებს
თბილისიდან ფოთში მიმავალ მატარებელს ტექნიკური პრობლემა შეექმნა და ამ წუთებში სადგურ რიონშია გაჩერებული.
აღნიშნულის შესახებ ინფორმაციას საქართველოს რკინიგზა ავრცელებს.
საქართველოს რკინიგზის განცხადებით, კომპანია მზადაა, მგზავრების დისკომფორტის თავიდან ასაცილებლად, მათი ალტერნატიული ტრანსპორტით გადაყვანა უზრუნველყოს.
"დასავლეთ საქართველოში არსებული უამინდობის გამო, ტექნიკური პრობლემა შეექმნა თბილისიდან ფოთში მიმავალ მატარებელს, რის გამოც ამ წუთებში შემადგენლობა გაჩერებულია სადგურ რიონში.
საქართველოს რკინიგზა აქტიურად მუშაობს იმისთვის, რომ უახლოეს პერიოდში მოხდეს აღნიშნული მატარებლის მოძრაობის განახლება, თუმცა, კომპანია ასევე მზადაა, მგზავრების დისკომფორტის თავიდან ასაცილებლად მათი ალტერნატიული ტრანსპორტით გადაყვანა უზრუნველყოს.
საქართველოს რკინიგზა თითოეულ მგზავრს მგზავრობის საფასურს სრულად აუნაზღაურებს", - ნათქვამია გავრცელებულ ინფორმაციაში.