“15 წლის ბიჭი დაიხრჩო სიონის ტბაზე, ჩვენგან დაახლოებით 300 მეტრში... მაპატიეთ ასეთი უემოციო სტატუსი, რაც განსაცდელი იყო, იქ განვიცადე, ნაპირზე უპატრონოდ დატოვებულ ტანსაცმელს რომ ვუყურებდი“ - რას წერს ნიკა ჩერქეზიშვილი სიონში მომხდარი ტრაგედიის შესახებ
პარტია "ლელოს“ წევრის, ნიკა ჩერქეზიშვილის ინფორმაციით, ცოტა ხნის წინ სიონის ტბაში 15 წლის ბიჭი დაიხრჩო. ამის შესახებ ჩერქეზიშვილი სოციალურ ქსელში წერს:
“15 წლის ბიჭი დაიხრჩო სიონის ტბაზე. შემთხვევიდან დაახლოებით 20-25 წუთში მოვიდა პოლიცია და სასწრაფო დახმარება.
უფრო მეტს თბილისიდან ელოდებიან ახლა, თიანეთში მეტი არაფერი შეუძლია სამაშველოს. ადგილზე, სადაც უამრავი ადამიანია, მაშველები არ ჰყავთ! ჩვენგან დაახლოებით 300 მეტრში დატრიალდა ტრაგედია, გავიქეცით, მაგრამ ვერ მივუსწარით... მაპატიეთ ასეთი, ერთი შეხედვით უემოციო სტატუსი, რაც განსაცდელი იყო, იქ განვიცადე, ნაპირზე უპატრონოდ დატოვებულ ტანსაცმელს რომ ვუყურებდი...
ეს ქვეყანა არის უპატრონო! მეტი არაფრის თქმას აღარ აქვს აზრი.“