კიდევ ერთი აფეთქება მოსკოვში - რა კადრები ვრცელდება კარამიშევსკის სანაპიროდან?
მარშალ ჟუკოვის გამზირზე მდებარე ხიდის ტერიტორიაზე, სავარაუდოდ, დრონი აფეთქდა.
"ტელეგრამ-არხები" მოსკოვში მომხდარი კიდევ ერთი აფეთქების შესახებ იუწყებიან. წინასწარი მონაცემებით, დრონი აფეთქდა კარამიშევსკის სანაპიროს სიახლოვეს. თავდაპირველად ეს ცნობა ტელეგრამის არხებმა "ბაზამ", Shot-მა და Mash-მა გაავრცელეს. შემდეგ ინფორმაცია აფეთქების შესახებ მოსკოვის მერმა სერგეი სობიანინმაც დაადასტურა. მისი თქმით, იმუშავა საჰაერო თავდაცვამ და დრონი გაანადგურა, თუმცა მისი ნამსხვრევები ჩამოცვივდა სანაპიროზე. მისი მტკიცებით, ამას ნგრევა და მსხვერპლი არ მოჰყოლია.