შოვში, სტიქიის ზონაში, კიდევ 4 ადამიანის ცხედარი იპოვეს - პალიტრა ვიდეო

შოვში, სტიქიის ზონაში, კიდევ 4 ადამიანის ცხედარი იპოვეს. ინფორმაცია "ფორმულას" შსს-ში დაუდასტურეს.

ოფიციალური ინფორმაციით, სტიქიას 6 ადამიანი ემსხვერპლა.

3 აგვისტოს კურორტ შოვში, მათ შორის, სასტუმრო "სანსეტ შოვთან", მეწყერი ჩამოწვა.

ადიდებულმა მდინარემ წაიღო სამანქანო ხიდი. მოსახლეობის დასახმარებლად ადგილზე ჩაფრინდა სასაზღვრო პოლიციის 2 სამაშველო ვერტმფრენი.

გზების გაწმენდის სამუშაოები ღამით დასრულდა და დღეს დილიდან გაგრძელდა.

სტიქიის ზონაში დაკარგულ ადამიანებს მაშველები კვლავ ეძებენ.