ნიკოლ ფაშინიანი მეზობელ ქვეყანასთან ომს არ გამორიცხავს
სომხეთის პრემიერ-მინისტრი, ნიკოლ ფაშინიანი მეზობელ ქვეყანასთან ომს არ გამორიცხავს.
მისი თქმით, ვიდრე აზერბაიჯანთან სამშვიდობო ხელშეკრულება ხელმოწერილი და რატიფიცირებული ორივე ქვეყნის პარლამენტების მიერ არ არის, ომი ძალიან სავარაუდოა.
სომხეთის მთავრობის ხელმძღვანელმა აზერბაიჯანი მთიან ყარაბაღში გენოციდის განხორციელებაში და იქ „გეტოს“ შექმნაში დაადანაშაულა.
თავის მხრივ აზერბაიჯანის პრეზიდენტმა, ილჰამ ალიევმა შუშას გლობალურ მედიაფორუმზე განაცხადა, რომ სომხეთი ახლა თანდათან ხდება მეტოქეობის ზონა, რამაც შეიძლება, სერიოზული პრობლემები გამოიწვიოს. მისი თქმით, არა მარტო რუსები და ამერიკელები, არამედ სხვა ქვეყნებიც აქტიურად ერევიან სიტუაციაში.