კადრები პოლონეთიდან, სადაც საქართველოს 4 მოქალაქე დააკავეს - მათ ბრალად ედებათ აუზში არასრულწლოვნების სექსუალურად შევიწროება
პოლონეთის ქალაქ ბიტომში 18-დან 55 წლამდე ასაკის საქართველოს 4 მოქალაქე დააკავეს. არსებული ინფორმაციით, 4-ვე კაცი ეთნიკურად აზერბაიჯანელია.
პოლონური მედიის ცნობით, ბიტომის ქალაქის პარკში არსებულ აუზზე დაცვის თანამშრომლებს მიმართეს ბავშვების მშობლებმა. მშობლების ინფორმაციით, მათ შვილებს უცნობი მამაკაცები სექსუალურად ავიწროებდნენ, რის შემდეგაც აღნიშნული პირები სამართალდამცველებმა დააკავეს.
მომხდარი ხალხმა გააპროტესტა. გავრცელებულ ვიდეოში ისმის ხალხის შეძახილები. ისინი ეჭვმიტანილების დასჯას მოითხოვენ.