უცნაური შემთხვევა გორში - ადგილობრივი მედიის ინფორმაციით, მოიჯარე მიწისქვეშა გადასასვლელს 18:00 საათის შემდეგ კეტავს
“ტვ მონიტორინგის“ ინფორმაციით, გორში, იუსტიციის სახლთან მდებარე მიწისქვეშა გადასასვლელი, რომლის სავაჭრო ობიექტად გამოყენების უფლება პირს გორის მუნიციპალიტეტის საკრებულომ შესაბამისი ხელშეკრულების საფუძველზე იჯარით სარგებლობისთვის გაუგრძელა, საღამოს 18:00 საათის შემდეგ იკეტება და მოქალაქეებს სამანქანო გზის გადაკვეთა საკუთარი სიცოცხლის ფასად უხდებათ.
აღსანიშნავია, რომ მიმდინარე წლის იანვრის თვეში მოიჯარემ პირობა დადო, რომ აღნიშნული არ დაიკეტებოდა, თუმცა პირობა არ სრულდება.