"საბავშვო ბაღში მამაკაცმა 6 ადამიანი, მათ შორის, 3 ბავშვი ცივი იარაღით მოკლა" - შემზარავი შემთხვევა ჩინეთში
ჩინეთის გუანდუნის პროვინციაში, საბავშვო ბაღში, ცივი იარაღით შეიარაღებულმა თავდამსხმელმა 6 ადამიანი მოკლა და ერთი დაჭრა. ინფორმაციას BBC ავრცელებს.
გამოცემის ცნობით, დაღუპულია 3 ბავშვი, ერთი პედაგოგი და 2 მშობელი.
სამართალდამცველებმა 25 წლის მამაკაცი დააკავეს.
თავდასხმის მოტივი ამ დროისთვის უცნობია. პოლიციამ მომხდარი „განზრახ თავდასხმად“ შეაფასა.