რას ამბობს შალვა პაპუაშვილი ნიკა გვარამიას შეწყალებასთან დაკავშირებით
ჩვენ იმედი გვქონდა, რომ პრეზიდენტი იმ ზეწოლას გაუძლებდა, რომელიც მასზე შეწყალებასთან დაკავშირებით იყო და ის კანონის უზენაესობის, ქართველი ხალხის სახელით განხორციელებული მართლმსაჯულების მხარეს დადგებოდა, მაგრამ მან სხვა მხარე აირჩია, - ასე გამოეხმაურა პარლამენტის თავმჯდომარე შალვა პაპუაშვილი საქართველოს პრეზიდენტის, სალომე ზურაბიშვილის მიერ „მთავარი არხის“ დამფუძნებლის, ნიკა გვარამიას შეწყალებას.
პაპუაშვილის თქმით, პრეზიდენტმა თავისი გადაწყვეტილების ვერც ერთი მოტივი ვერ დაასახელა.