“ამიტომ დღეს ვიწყებ... როგორც უნდა დამაიზოლირონ, მაინც გავიგებ თქვენს ხმას“ - მიხეილ სააკაშვილი საგანგებო მიმართვას ავრცელებს
“ოცნება” არის დაშინების და სიძულვილის რუსული პარტია. ჩვენ უნდა გაგვაერთიანოს მტრის სიძულვილმა და ამავე დროს, საქართველოს და ქართველების სიყვარულმა.
მე აღმოვჩნდი იქ, სადაც ვარ საქართველოს მონატრების გამო, მაგრამ არცერთი წუთით არ გამნელებია და არ მინანია საქართველოს სიყვარული. გაიხსენეთ, ჩემი პრეზიდენტობის ბოლო დღეს პრეზიდენტის სასახლეზე ავაწევინე გულებიანი საქართველოს დროშა და ამან მაშინვე გამოიწვია “ოცნების პროტესტი”. გავიდა 10 წელი და ეს სიყვარული მხოლოდ გამიძლიერდა.
მე მინდა პირველ რიგში გავიგო თქვენი აზრები, თქვენი მოთხოვნები და ამის შემდეგ გაგაცნობთ სამოქმედო ნაბიჯების ჩემეულ ხედვას. ამიტომ დღეს ვიწყებ კითხვა-პასუხის რეჟიმს და როგორც უნდა დამაიზოლირონ თქვენგან პუტინისტებმა, მაინც გავიგებ თქვენს ხმას და მოგაწვდით ჩემს ხმას.
დიდება უკრაინას და გაუმარჯოს საქართველოს!“ - ავრცელებს მიხეილ სააკაშვილი.