"თბილისში სამი არასრულწლივანი თავს დაესხა მოხუც ტაილანდელ კაცს და ფიზიკურად გაუსწორდა" - ვრცელდება ფოტოები - პალიტრა ვიდეო

19 ივნისს გია აბესაძის ქუჩაზე ტაილანდის მოქალაქეზე თავდასხმის ფაქტზე შს სამინისტრომ გამოძიება 118-ე მუხლით დაიწყო.

სოციალურ ქსელში გავრცელებული ინფორმაციით, მამაკაცს სამი არასრულწლოვანი დაესხა თავს.

ერთ-ერთმა არასრულწლოვანმა ტაილანდელ მამაკაცს დაარტყა, რის შედეგადაც მამაკაცი დაეცა და გონება დაკარგა. მამაკაცი ამ დრომდე რეანიმაციაში იმყოფება.

"ორშაბათს, 19 ივნისს, გია აბესაძის ქუჩაზე სამი არასრულწლოვანი ახალგაზრდა თავს დაესხა მოხუც ტაილანდელ კაცს და ფიზიკურად გაუსწორდა. კაცი იყო ტაილანდური მასაჟის და რესტორნის მფლობელი. ყველანაირი კონფლიქტის გარეშე დაელაპარაკნენ, თუმცა ერთ-ერთმა არასრულწლოვანმა ტაილანდელ მამაკაცს დაარტყა, რის შედეგადაც დავარდა და სისხლი სდიოდა ცხვირიდან, პირიდან და ნიკაპიდან, დაკარგა გონება და ამ დრომდე რეანიმაციაში იმყოფება, ისიც კი არ ვიცით, გადარჩება თუ არა. გვჭირდება სოციალური მედია, რათა შევძლოთ ამ მოზარდების ჯგუფის იდენტიფიკაცია, რათა სხვაც არ ჩააგდონ იმავე მდგონარეობაში."