ცნობილია, როდიდან დაიწყება საზაფხულო ბაღებში რეგისტრაცია - "ეს სიახლე მნიშვნელოვანია მშობლებისთვის, ძალიან ბევრი ოჯახი ვერ ახერხებს, ივლისის თვეში შვებულება აიღოს" - პალიტრა ვიდეო

დედაქალაქის მერის, კახა კალაძის ინფორმაციით, ივლისის თვიდან საზაფხულო საბავშვო ბაღები იფუნქციონირებს.

როგორც კახა კალაძემ თბილისის მუნიციპალიტეტის მთავრობის სხდომაზე აღნიშნა, 17 ათასამდე აღსაზრდელს 45 ბაღი მიიღებს, რომლებიც თბილისის მასშტაბით ისეა განაწილებული, რომ მაქსიმალურად ხელმისაწვდომი იყოს ყველასთვის.

"საზაფხულო ბაღების ელექტრონული რეგისტრაცია დაიწყება 20 ივნისიდან და გაგრძელდება 30 ივნისის ჩათვლით, ვებგვერდზე: www.kids.org.ge." - განაცხადა კალაძემ.