"ეს არის ძალიან საგანგაშო! ძალიან მძიმე მდგომარეობა გვაქვს! ახასიათებს მძიმე გართულება - თავის ტვინის ანთება, ამ გართულებით ყველა ბავშვი იღუპება" - ივანე ჩხაიძე წითელას ვაქცინაციასთან დაკავშირებით მშობლებს მიმართავს
იმუნიზაციის ტექნიკურ მრჩეველთა ეროვნული ჯგუფის ხელმძღვანელის, იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის განცხადებით, საქართველოში წითელას ვაქცინაციასთან დაკავშირებით ძალიან მძიმე მდგომარეობაა, რაც იმას ნიშნავს, რომ, შესაძლოა, ბავშვებში ინფიცირების მასშტაბი გაიზარდოს და გარდაცვალების შემთხვევაც იყოს.
მან მედიაჰოლდინგ „კვირის“ პრესკლუბში გამართულ პრესკონფერენციაზე საზოგადოებას ბავშვების ვაქცინაციისკენ მოუწოდა.