"ვიდეოებში ვერ ნახავთ რეალობას, რაც ხდება... დარწმუნებული ვარ, რუსები შოკში არიან! მალე ისეთი სიურპრიზები იქნება, რასაც რუსეთის ხელმძღვანელობა არ ელოდება" - მამუკა მამულაშვილი ბელგოროდში არსებულ ვითარებაზე
უკრაინაში მებრძოლი "ქართული ლეგიონის" მეთაური მამუკა მამულაშვილი რუსეთის ბელგოროდში არსებულ დაძაბულ ვითარებასა და შეტაკებებს ეხმაურება და აღნიშნავს, რომ დაჯგუფებებმა, რომლებმაც სპეცოპერაცია დაიწყეს, კრემლისთვის მოულოდნელი და ტაქტიკური ნაბიჯები გადადგეს.
"ბელგოროდი არის ადგილი, საიდანაც ხდება რუსეთის ჯარის მომარაგება და ლოგიკურად იქცევიან, როცა ჭრიან იარაღის მიწოდების გზას — დარწმუნებული ვარ, მალე ისეთი სიურპრიზები იქნება, რასაც არ ელოდება რუსეთის პოლიტიკური ხელმძღვანელობა" - განაცხადა მამუკა მამულაშვილმა "ფორმულასთან".