![[ოფიციალურად] "უოტფორდმა" თბილისის "დინამოდან" ნიკოლოზ ჩიქოვანის ტრანსფერი დაადასტურა!](/media/_rss/29/aa4dcd2a58ca9602949c8c7060024380.jpg "[ოფიციალურად] \"უოტფორდმა\" თბილისის \"დინამოდან\" ნიკოლოზ ჩიქოვანის ტრანსფერი დაადასტურა!")
![[VIDEO. მსოფლიო თასი 2026. საკვალიფიკაციო მატჩი] საქართველოს ნაკრებმა ახალ მწვრთნელთან ერთად პირველა...](/media/_rss/29/e665d78bbd6ef34a4f8cb48c2c11f637.jpg "[VIDEO. მსოფლიო თასი 2026. საკვალიფიკაციო მატჩი] საქართველოს ნაკრებმა ახალ მწვრთნელთან ერთად პირველად ივარჯიშა! სამშაბათიდან სრული შემადგენლობით...")
სასტიკი მკვლელობა ვარკეთილის სასაფლაოზე, რა გადაწყვეტილება მიიღეს ნაფიცმა მსაჯულებმა? - "ქალმა სოციალურ ქსელში ბრალდებულთან ერთად გადაღებული ფოტო განათავსა, ფარული ურთიერთობის გასაჯაროება მიუღებელი აღმოჩნდა მამაკაცისთვის..."
ნაფიცმა მსჯულებმა შურისძიებით ჩადენილ მკვლელობაში ბრალდებული დამნაშავედ ცნეს და სასამართლომ მას 13 წლით თავისუფლების აღკვეთა მიუსაჯა.
"ნაფიცმა მსჯულებმა თბილისის საქალაქო სასამართლოში განიხილეს საქმე, რომელიც შურისძიებით ჩადენილ მკვლელობას შეეხებოდა.
სასამართლო პროცესზე დადგინდა, რომ მამაკაცმა ქალი ერთ-ერთი ინტერნეტ-გვერდის მეშვეობით გაიცნო და მას შემდეგ, თვეების განმავლობაში მასთან პირადი ურთიერთობა ჰქონდა.
2022 წლის 22 აგვისტოს დაზარალებულმა სოციალურ ქსელში, პირად გვერდზე ბრალდებულთან ერთად გადაღებული ფოტო განათავსა. ფარული ურთიერთობის საჯაროდ გაცხადება მიუღებელი აღმოჩნდა მამაკაცისთვის, რის შემდეგაც მან შურისძიების მიზნით, მსხვერპლი ვარკეთილში მდებარე სასაფლაოსთან მიიყვანა, სადაც სასტიკად სცემა, რის შედეგადაც დაზარალებული ადგილზე გარდაიცვალა.
პროკურატურამ ნაფიც მსაჯულთა სასამართლოს წარუდგინა მტკიცებულებები, რომელთა ერთობლიობა ბრალდებულის მიერ დანაშაულის ჩადენას მოწმობდა.
ნაფიცი მსაჯულები, საქმის გარემოებებისა და მტკიცებულებების დეტალურად შესწავლის შემდეგ, დარწმუნდნენ პროკურატურის პოზიციის მართებულობაში და ბრალდებული სისხლის სამართლის კოდექსის 108-ე მუხლით, რაც განზრახ მკვლელობას გულისხმობს, დამნაშავედ ცნეს" - ნათქვამია პროკურატურის მიერ გავრცელებულ ინფორმაციაშ.