თურქეთში საპრეზიდენტო და საპარლამენტო არჩევნებზე კენჭისყრის პროცესი დასრულდა - პალიტრა ვიდეო

თურქეთში საპრეზიდენტო და საპარლამენტო არჩევნებზე კენჭისყრის პროცესი დასრულდა. დღეს მოქალაქეები პრეზიდენტსა და 600-ადგილიან პარლამენტს ხუთ წლიანი ვადით ირჩევდნენ.

მთელი ქვეყნის მასშტაბით საარჩევნო უბნები ადგილობრივი დროით დილის 8:00 საათზე გაიხსნა.

თურქეთის პრეზიდენტობისთვის სამი კანდიდატი - მოქმედი პრეზიდენტი რეჯეფ თაიფ ერდოღანი, ქემალ ქილიჩდაროღლუ და სინან ოგანი იბრძვიან.

დასავლური მედია ვარაუდობს, რომ დღევანდელმა არჩევნებმა შესაძლოა, ერდოღანის 20-წლიანი მმართველობა დაასრულოს.

ერდოღანის მთავარი კონკურენტი ქემალ ქილიჩდაროღლუა, რომელიც ექვსი ოპოზიციური პარტიის კოალიციური კანდიდატია. არჩევნებში მონაწილეობის უფლება 64 მილიონზე მეტ ამომრჩეველს აქვს.