"ძალიან არაექიმურად მოვიქეცი, რასაც ძალიან ვნანობ... თითქმის ყველა ორგანოზე მაქვს პრობლემა, გამიჩნდა კვანძები, გავხდი საოპერაციო" - რას ამბობს სოფო ჯაფარიძე საკუთარი ჯანმრთელობის მდგომარეობის შესახებ
"მესამე ბავშვის გაჩენის შემდეგ წონაში კლება ძალიან გამიჭირდა. დაახლოებით, 10 კგ მქონდა ზედმეტი. სხეულის მასის ინდექსი სრულ ნორმაში იყო, მაგრამ მე თვითონ არ მომწონდა ჩემი თავი. მქონდა საშინელი დისკომფორტი. ახლა რომ ვარ, ასეთი გამხდარი არასდროს ვყოფილვარ. კლება დავიწყე დიეტით, დავიკელი 9 კილო-ნახევარი და მერე გამეყინა წონა" - "ნაციონალური მოძრაობის" წევრმა სოფო ჯაფარიძემ "სხვა ნანუკას შოუში" ისაუბრა.