ძაღლი, რომელმაც მარტვილში 10-მდე ადამიანი დაკბინა, თავშესაფარში მოკვდა
ძაღლი, რომელმაც მარტვილში, სხვადასხვა ადგილას 10-მდე ადამიანი დაკბინა, მოკვდა. ინფორმაციას "მთავარი არხი" ავრცელებს. ის მერიამ დაკვირვებისთვის ოზურგეთის თავშესაფარში გადაიყვანა და მისი სიკვდილის შესახებ ცოტა ხნის წინ გახდა ცნობილი.
რაც შეეხება დაზარალებულ ადამიანებს, მათ პრევენციის მიზნით ცოფის საწინააღმდეგო ვაქცინით პირველი აცრა უკვე ჩაუტარდათ, ახლა კი მოუწევთ ვაქცინაციის სრული კურსის ჩატარება, რაც ოთხ აცრას მოიცავს.