კორონავირუსის ახალი შტამი უკვე 29 ქვეყანაში დადასტურდა - "ყველაზე გავრცელებულ სიმპტომებად მაღალი სიცხე, ხველება და ჩაწითლებული თვალები სახელდება"
მსოფლიოში კორონავირუსის ახალი შტამი - Arcturus-ი, იგივე XBB.1.16 გავრცელდა. ჯანდაცვის მსოფლიო ორგანიზაციის ინფორმაციით, Covid 19-ის ახალი შტამი უკვე 29 ქვეყანაში დადასტურდა და ის "ომიკრონის" ახალ ქვევარიანტად მიიჩნევა.
მედიის ცნობით, ვირუსი ყველაზე სწრაფად ინდოეთში ვრცელდება და ამ დროისთვის ქვეყანაში მისი 60 000-ზე მეტი შემთხვევა ფიქსირდება.
Arcturus-ი ვარიანტის ყველაზე გავრცელებულ სიმპტომებად მაღალი სიცხე, ხველება და ჩაწითლებული თვალები სახელდება.