loader

რუსეთში ოპოზიციონერ ვლადიმერ კარა-მურზას 25-წლიანი პატიმრობა მიუსაჯეს - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

რუსეთში ოპოზიციონერ ვლადიმერ კარა-მურზას 25-წლიანი პატიმრობა მიუსაჯეს

რუს ოპოზიციონერს, ვლადიმერ კარა-მურზას, სახელმწიფოს ღალატისა და სხვა ბრალდებებისთვის 25 წლით თავისუფლების აღკვეთა მიესაჯა.

ვლადიმერ კარა-მურზა ბრალდებებს უარყოფს.

"ხელს ვაწერ ყველა სიტყვას, რაც მითქვამს. არათუ არ ვნანობ ამას, არამედ ვამაყობ ამით“, - განუცხადა მან გასულ კვირას მოსკოვის სასამართლოს.

უკრაინაში მიმდინარე ე.წ. სპეციალური სამხედრო ოპერაციის გაკრიტიკების გარდა, 41 წლის კარა-მურზა ასევე ღიად საუბრობდა პრეზიდენტ ვლადიმერ პუტინისა და მისი მთავრობის მიერ განსხვავებული აზრის დევნის შესახებ.

ვლადიმერ კარა-მურზა ერთი წლის წინ მოსკოვში პოლიციელისადმი დაუმორჩილებლობის გამო დააკავეს, მოგვიანებით კი უფრო მძიმე ბრალდებები წაუყენეს. კარა-მურზას საქმე ნაწილობრივ ეფუძნებოდა შარშან აშშ-ში პოლიტიკოსების წინაშე წარმოთქმულ სიტყვას, როდესაც განაცხადა, რომ რუსეთი, რომელიც უკრაინაში კასეტურ ბომბებს იყენებს და სამშობიაროებსა და სკოლებს ბომბავს, ომის დანაშაულებს სჩადის.