loader

გომთან მომხდარი ავარიის დროს დაშავებული დედა-შვილი გარდაიცვალა - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

გომთან მომხდარი ავარიის დროს დაშავებული დედა-შვილი გარდაიცვალა

ხაშურის მუნიციპალიტეტის ტერიტორიაზე, გომი-ვაყის მონაკვეთზე მომხდარი ავტოსაგზაო შემთხვევის შედეგად დაშავებულთაგან ორი ადამიანი გარდაიცვალა. გარდაცვლილი დედა-შვილია. 30 წლამდე ასაკის ქალი და 7 წლის ბავშვი ,,გორმედის“ ქსელის ხაშურის კლინიკაში უმძიმესი დაზიანებებით - პოლიტრავმით შეიყვანეს. ექიმების განცხადებით, დაუყოვნებლივ დაიწყო რეანიმაციული ღონისძიებები, ბავშვის სპეციალიზებულ კლინიკაში გადასაყვანად გამოძახებულ იქნა კატასტროფული მედიცინის ჯგუფი, თუმცა, ორივე პაციენტის შემთხვევაში, ავარიის დროს მიღებული დაზიანებები სიცოცხლესთან შეუთავსებელი იყო და მათი გადარჩენა ვერ მოხერხდა.

ცნობისთვის, ავტოსაგზაო შემთხვევა გომთან ახლოს დღეს დილით მოხდა, ერთმანეთს საპირისპიროდ მოძრავი ორი ავტომობილი შეეჯახა, შემთხვევის შედეგად 6-მა ადამიანმა სხეულის სხვადასხვა ხარისხის დაზიანებები მიიღო, დაშავებულთა ნაწილს მკურნალობა ხაშურის ცენტრალურ საავადმყოფოში უტარდება.მომხდარ ფაქტზე მიმდინარეობს გამოძიება.