"მე მინდა რამდენიმე პოზიტიური ინფორმაცია გავაცნო საზოგადოებას" - ირაკლი ღარიბაშვილი
იანვარ-თებერვალში ეკონომიკური ზრდის მაღალი მაჩვენებელი გვაქვს - ეკონომიკურმა ზრდამ საშუალოდ, 7.1 პროცენტი შეადგინა, რაც რა თქმა უნდა, ძალიან მნიშვნელოვანია, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა.
როგორც მთავრობის მეთაურმა აღნიშნა, მაღალ ეკონომიკურ ზრდაში მნიშვნელოვანი წვლილი შეიტანა სხვადასხვა მიმართულებაში მაღალმა აქტიურობამ. მათ შორისაა მშენებლობა, საფინანსო სექტორი, ვაჭრობა, ტრანსპორტი და ტურიზმი.