ბიძინა ივანიშვილი - "კონტროლის პალატა ახალ პროკურატურად გარდაიქმნა" - პალიტრა ვიდეო

"კონტროლის პალატა ახალ პროკურატურად გარდაიქმნა", - ასეთი განცხადება გააკეთა დიპლომატიური კორპუსის წარმომადგენლებთან გამართული დღევანდელი შეხვედრის შემდეგ, კოალიცია "ქართული ოცნების" ლიდერმა ბიძინა ივანიშვილმა გააკეთა. ივანიშვილი კონტროლის პალატის მიერ "ქართული ოცნების" აქტივისტებისთვის ახსნა-განმარტების მასობრივად ჩამორთმევას, კოალიციის წინააღმდეგ განხორციელებულ უკანონო ქმედებად აფასებს.

მისი განმარტებით, საქართველოში აკრედიტებულ დიპლომატიური კორპუსის წარმომადგენლებს დღევანდელ შეხვედრაზე სწორედ ამ უკანონობის შესახებ მიაწოდა ინფორმაცია.

რაც შეეხება აღნიშნულთან დაკავშირებით დიპლომატების რეაქციას, ივანიშვილის შეფასებით, მათ ამ ეტაპზე განცხადებები არ გაუკეთებიათ და მხოლოდ ინფორმაცია მიიღეს.