რატომ თქვა ''წყლის ჭავლთან მოცეკვავე" გოგომ მარო მა­ყაშ­ვი­ლის სა­ხე­ლო­ბის სტი­პენ­დი­ა­ზე უარი და რას წერს გიორგი კეკელიძე? - პალიტრა ვიდეო

ეროვ­ნუ­ლი ბიბ­ლი­ო­თე­კის დი­რე­ქა­ტო­რი გი­ორ­გი კე­კე­ლი­ძე სოციალურ ქსელში ეხ­მა­უ­რე­ბა სა­ლო­მე კენ­ჭი­აშ­ვი­ლის გა­და­წყვე­ტი­ლე­ბას, რომ­ლის თა­ნახ­მადაც მან მარო მა­ყაშ­ვი­ლის სა­ხე­ლო­ბის სტი­პენ­დი­ა­ზე უარი თქვა.

"მხოლოდ ფაქტები - სალომე კენჭიაშვილზე "რადიო თავისუფლების" სიუჟეტი ვნახე. სპონტანურად მივწერე ჟურნალისტს და ვუთხარი, რომ ძალიან კარგი გოგოა და ვფიქრობ, რომ ურიგო არ იქნება სტიპენდია დავუნიშნო და ეგებ დამაკავშირო მეთქი.

მომცა ნომერი, დავურეკე და ვახარე. მასაც გაუხარდა. საერთოდ არ ვიცოდი ვისი და იყო და ნათესავი. ან კი რა მნიშვნელობა ჰქონდა. სალომეს სტიპენდია დაერიცხა 17 მარტს (უკან დაგვიბრუნა გუშინ).

ამ ხნის მანძილზე მე ავიტანე საოცარ ცილისწამებათა კასკადი ამ ამბის გამო. გუშინ სალომეს და წერს იმას, რასაც წერს - წაიკითხავდით ცხადია. არცერთ მედიას არ მივცემ კომენტარს, მათ შორის მათაც, ვინც ცდილობს, რომ სტიპენდიატის წინააღმდეგ მალაპარაკოს - სალომე არის შესანიშნავი გოგო და იმსახურებს საუკეთესოს. ჩვენ კი ვაგრძელებთ ჩვენს საქმეებს" - წერს კეკელიძე.

გუ­შინ ცნო­ბი­ლი გახ­და, რომ 7-8 მარ­ტის აქ­ცი­ე­ბის ერთ-ერთი სიმ­ბო­ლო, ტა­ეკ­ვან­დო­ში ორგზის სა­ქარ­თვე­ლოს ჩემ­პი­ო­ნი სა­ლო­მე კენ­ჭი­აშ­ვი­ლი გი­ორ­გი კე­კე­ლი­ძის მიერ შე­თა­ვა­ზე­ბულ სტი­პენ­დი­ა­ზე უარს ამ­ბობს.

ამის შე­სა­ხებ ინ­ფორ­მა­ცი­ა სო­ცი­ა­ლურ ქსელ­ში მისმა უფ­რო­სმა დამ, სო­ფია კენ­ჭი­აშ­ვი­ლმა გაავრცელა. სოფიამ 2021 წელს გი­ორ­გი კე­კე­ლი­ძე სექ­სუ­ა­ლურ შე­ვიწ­რო­ე­ბა­ში დაადანაშაულა. მისი თქმით, კე­კე­ლი­ძე შიშ­ვე­ლი ფო­ტო­ე­ბის გაგ­ზავ­ნას სთხოვ­და.