"რაიმე კანონი თუ გვაშორებს ქვეყნის მთავარ მიზანს, ე.ი. ღალატია და არაკონსტიტუციურია" - რას წერს ბიძინა კულუმბეგოვი ე.წ. აგენტების შესახებ კანონპროექტზე
იმუნოლოგ-ალერგოლოგი ბიძინა კულუმბეგოვი ე.წ. აგენტების შესახებ კანონპროეტზე სოციალურ ქსელში წერს:
"ბევრი მსჯელობა არაა მგონი საჭირო, რაიმე კანონი, ინიციატივა, ქმედება გვაშორებს ქვეყნის მთავარ, ისტორიულ მიზანს, ე.ი. მავნებლობაა, ღალატია და არაკონსტიტუციურია.
მესმის, მსგავსი კანონი არსებობს ამერიკაში და რუსეთშიო. პირველი, იცავს ამერიკას 1938 წლიდან ნაცისტური, საბჭოთა და ტერორისტული საფრთხეებისგან. მეორე, კანონი „იცავს“ რუსეთს ამერიკის და ევროკავშირისგან.
ჩვენს ქვეყანაში კანონი „დაიცავს“ ქვეყანას ასევე ამერიკისგან და ევროკავშირისგან მომავალი საფრთხეებისგან. ლოგიკა მარტივია - კანონი, მაშასადამე, რუსულია" - კულუმბეგოვი რუსულ კანონზე.