"მსჯელობა გვქონდა და მივიღეთ ეს გადაწყვეტილება" - რა განაცხადა ირაკლი კობახიძემ გავლენების შესახებ "ხალხის ძალის" ორ კანონპროექტთან დაკავშირებით?
აპრიორში გამორიცხულია, რომ ერთ, მეორე ან ორივე კანონპროექტზე უარყოფითი დასკვნა იყოს, შესაძლოა, მხოლოდ დეტალებზე იყოს შენიშვნები ან რეკომენდაციები - ვენეციის კომისია ვერ იტყვის, რომ კანონი არ უნდა მიიღო, - ამის შესახებ „ქართული ოცნების“ თავმჯდომარე ირაკლი კობახიძემ გავლენების შესახებ „ხალხის ძალის“ ორ კანონპროექტთან დაკავშირებით საუბრისას ჟურნალისტებს განუცხადა.
მისი თქმით, ორივე კანონპროექტის პირველი მოსმენით მიღების შემდეგ ვენეციის კომისიას დასკვნის დაჩქარებულად წარმოდგენას სთხოვენ, რის შემდეგაც პარლამენტში მსჯელობა იმ კანონპროექტზე გაგრძელდება, რომლის თაობაზეც კომისიას დადებითი შეფასება ექნება.