"დაწყნარდი, ბიჭო, რამე არ შეგეშალოს" - ვრცელდება ყაზბეგის გამზირზე მოქალაქეებსა და საპატრულო პოლიციას შორის მომხდარი დაპირისპირების კადრები
"მთავარი არხის" ცნობით, ყაზბეგის გამზირზე მოქალაქეებსა და საპატრულო პოლიციას შორის მომხდარ დაპირისპირებასთან დაკავშირებით ორი პირის მიმართ სამართალწარმოება დაიწყო. შსს-ს ინფორმაციით, მათ შორის ერთი ადმინისტრაციული დარღვევის გამო დააკავეს.
შემთხვევა რამდენიმე დღის წინ მოხდა. შსს ამბობს, რომ პირი ავტომობილს ნასვამ მდგომარეობაში მართავდა და თან ჰქონდა ცივი იარაღი.
როგორც თვითმხილველმა "მთავარ არხს" განუცხადა, მოქალაქეები პოლიციას დაუპირისპირდნენ და მაღალჩინოსანთან ნათესაური კავშირის გამო გაშვება მოსთხოვეს.