loader

"მაინტერესებს, ჩვენი ჯარისკაცებიც გადიან თუ არა მენტალური ჯანმრთელობის შემოწმებას და მკურნალობას მისიების შემდეგ" - თამარ ჩერგოლეიშვილი - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"მაინტერესებს, ჩვენი ჯარისკაცებიც გადიან თუ არა მენტალური ჯანმრთელობის შემოწმებას და მკურნალობას მისიების შემდეგ" - თამარ ჩერგოლეიშვილი

"მაინტერესებს, ჩვენი ჯარისკაცებიც გადიან თუ არა მენტალური ჯანმრთელობის შემოწმებას და მკურნალობას მისიების შემდეგ" - თამარ ჩერგოლეიშვილი საგარეჯოში მომხდარ ტრაგიკულ ფაქტს სოციალურ ქსელში ეხმაურება.

"რამდენიმე წლის წინ ჩემს ახლობელს ფსიქიატრიული დახმარება დასჭირდა და ლონდონის ერთ-ერთ კლინიკაში დავაწვინეთ.

ენის ბარიერის გამო დიდ დროს ვატარებდი მასთან კლინიკაში.

კლინიკის მოსაწევ სივრცეში ბევრი საინტერესო ადამიანი გავიცანი - თავიდან ფეხებამდე აქლემისფერ ქაშმირში გამოწყობილი (ულამაზესი) ლორდი, რომელსაც ნარცისიზმი სტანჯავდა; ჟურნალისტი, რომელსაც მძიმე დეპრესია აწვალებდა...

იქვე იყვნენ ბრგე და ლამაზი კაცები - მეთქი, თქვენ აქ რატომ ხართ?

ჩვენ ამერიკელი სამხედროები ვართო, ავღანეთის მისიიდან სახლებში ვბრუნდებით და 2-კვირიან სავალდებულო დაკვირვება/მკურნალობას გავდივართ, პოსტტრავმატული სტრესული აშლილობა რომ არ დაგვრჩესო, შეიძლება ზოგიერთს მეტხანსაც მოგვიწიოს დარჩენაო.

ცხადია, ეს ამბავი იმიტომ არ დამიწერია, რომ ვიცი, თვითმკვლელს რა უჭირდა ან რა მკურნალობა სჭირდებოდა - უბრალოდ მაინტერესებს, ჩვენი ჯარისკაცებიც გადიან თუ არა მენტალური ჯანმრთელობის შემოწმებას და მკურნალობას მისიების შემდეგ.

ვიზიარებ დაღუპულების ოჯახების მწუხარებას და დაჭრილებს მალე გამოჯანმრთელებას ვუსურვებ", - წერს ჩერგოლეიშვილი.

პირი, რო­მე­ლიც სა­გა­რე­ჯოს ცენ­ტრში ის­რო­და, ყო­ფი­ლი სამ­ხედ­რო ნო­დარ ათუ­აშ­ვი­ლია. შს მი­ნის­ტრის ინ­ფორ­მა­ცი­ით, 49 წლის ათუ­აშ­ვი­ლი თავ­დაც­ვის სა­მი­ნის­ტრო­ში 2006-2021 წლებ­ში მუ­შა­ობ­და.

შეგახსენებთ, რომ შინაგან საქმეთა სამინისტროს ინფორმაციით, საგარეჯოში მომხდარი შემთხვევის შედეგად გარდაიცვალა 5 და დაიჭრა კორპუსის ეზოში მყოფი 5 ადამიანი. გარდაცვლილთაგან 1 პოლიციელი, 4 კი იმ კორპუსის მცხოვრებია, სადაც ყოფილმა სამხედრომ ცეცხლი გახსნა.