"ქვეყნის მოღალატე, კახეთში არ უნდა ჩამოდიოდეთ, კახელებს არ უყვარხართ" - რა მოხდა ყვარელში, სადაც ლევან ბერძენიშვილს ლექცია უნდა ჩაეტარებინა?
ყვარლის ევროკლუბის დამფუძნებელი ნიკა გურინი "ფეისბუქზე" წერს, რომ ლევან ბერძენიშვილი ევროატლანტიკურ ცენტრთან, სადაც ლექცია უნდა ჩაეტარებინა, არ მიუშვეს.
"ყვარელში ლევან ბერძენიშვილი გვყავდა მოწვეული ლექციის ჩასატარებლად, ევროატლანტიკურ ცენტრში. პიკეტირება მოგვიწყვეს ჩამოყვანილებმა სხვადასხვა რაიონიდან, რის გამოც უსაფრთხოების მიზნით შეხვედრის გაუქმება მოგვიწია. შენობაში ბევრი ბავშვი ელოდა შეხვედრას. ბატონი ლევანი ჩვენს სივრცემდე ფიზიკურად ვერ მოვიყვანეთ, რადგან ჩაკეტილი ჰქონდათ ყველა შემოსასვლელი. აი, აქამდე მივედით ამ ქვეყანაში", - წერს გურინი.
ვიდეო: "ფორმულა"