“ზარალი საკმაოდ დიდია...“ - მესამე დღეა ფოთი ძლიერ ქარს ებრძვის, დაზიანებულია ბინების სახურავები, მოგლეჯილია ხეები, წაიქცა ელექტროგადამცემი ბოძები - პალიტრა ვიდეო

ფოთის მუნიციპალიტეტში მესამე დღეა ძლიერი ქარია, რის გამოც სტიქიის შედეგად მიყენებული ზარალი იზრდება.

ქარმა საცხოვრებელი სახლების, ერთ-ერთი საჯარო სკოლის, საჯარო დაწესებულებების და მრავალსართულიანი ბინების სახურავები დააზიანა. მოგლეჯილია ხეები, წაქცეული ელექტროგადამცემი ბოძები.

სინოპტიკოსების პროგნოზით, აღმოსავლეთის ძლიერი ქარი დღეს საღამომდე შენარჩუნდება, ხვალ კი შედარებით შენელდება.

ავტორი: მაიკო ძაგანია