"პატრიარქმა მიხეილ სააკაშვილს წერილი გაუგზავნა" - ეკა ხერხეულიძე - პალიტრა ვიდეო

„ნაციონალური მოძრაობის“ დეპუტატის, ეკა ხერხეულიძის თქმით, პატრიარქმა მიხეილ სააკაშვილს წერილი გაუგზავნა, რომელშიც მას შობა-ახალ წელს ულოცავს.

მისივე თქმით, ამის საპასუხო წერილი მიხეილ სააკაშვილმა თავის უფლებადამცველს, შალვა ხაჭაპურიძეს გაატანა საპატრიარქოში.

წერილში პატრიარქი მიხეილ სააკაშვილს, მისთვის აღსაყდრების დღის მილოცვისთვის მადლობას უხდის, ასევე, ჯანმრთელობას და მხნეობას უსურვებს.

„ბატონო მიხეილ, გულითად მადლობას გიხდით აღსაყდრების დღის მოლოცვისთვის. მეც გილოცავთ დაბადების დღეს და დამდებ შობა-ახალ წელს. გისურვებთ ჯანმრთელობას, მხნეობასა და პირველ რიგში, ღვთის შეწევნას თქვენს სულიერ ძალთა განსამტკიცებლად და ჭეშმარიტი სხვა რეალობის შესაცნობად“, - აღნიშნულია წერილში, რომელსაც სააკაშვილის ადვოკატი, შალვა ხაჭაპურიძე ავრცელებს.