"წამებით მკლავენ ტყვეობაში... ჩემთან შვილებსაც აღარ უშვებენ" - რა მისწერა მიხეილ სააკაშვილმა მარკ ფეიგინს?
რუსი უფლებადამცველი, მარკ ფეიგინი საქართველოს მესამე პრეზიდენტის, მიხეილ სააკაშვილის წერილს აქვეყნებს, სადაც წერს, რომ პენიტენციური სისტემა მას ტყვეობაში წამებით კლავს, უკრაინის პრეზიდენტის ვოლოდიმირ ზელენსკის მიმართვის შემდეგ კი აუკრძალეს მოწევა და მასთან შვილებს აღარ უშვებენ.
"დიდი მადლობა სოლიდარობისთვის, ადამიანურობისა და აქციისთვის, რომელიც 4 იანვარს არის დაგეგმილი. გიორგი მარგველაშვილი, საქართველოს მეოთხე პრეზიდენტი მართალია, პენიტენციური სისტემა წამებით მკლავს ტყვეობაში.
ზელენსკის ფენომენალური მიმართვისა და თქვენი აქტიურობის შემდეგ, ამიკრძალეს მოწევა და შეწყვიტეს [კლინიკაში] ჩემი შვილების შემოშვება. სასამართლო 10 დღით გადადეს. ჩემმა მკურნალმა ექიმმა სამოქალაქო გმირობა ჩაიდინა და პენიტენციური სისტემის ხელმძღვანელობის წინაშე განაცხადა, რომ ჩემი მდგომარეობა საკმაოდ მძიმეა და კლინიკამ ყველა თავისი შესაძლებლობა ამოწურა" - წერს მიხეილ სააკაშვილი.