უცნაური და დაუჯერებელი ამბავი და ათასობით დაზარალებული - "მოტყუებულად ვიგრძენი თავი, ნდობა გამიქრა"
ჰაერი ამერიკიდან, ანუ ასობით გადახდილი ზედმეტი ლარი ჩამოტანილი ნივთების სანაცვლოდ.
აშშ-დან ტვირთებისა და ამანათების გადამზიდავ ცნობილ კომპანიას - USA 2 GEORGIA, მომხმარებლები უჩივიან და ტოვებენ. კომპანიამ, რომელიც ერთ-ერთი პირველი იყო ბაზარზე, ტრანსპორტირების ღირებულების გამოთვლის წესში ცვლილება შეიტანა, რამაც ამანათის ჯამური საფასურის არაგონივრული ზრდა გამოიწვია. შესაბამისად, კონკურენციის სააგენტოში 70-მდე განაწყენებული მომხმარებლის საჩივარი შევიდა. აქედან 23 საქმის შესწავლა დაწყებულია.
ელენე ვეკუა ერთ-ერთია იმ უამრავ მომხმარებელს შორის, რომელმაც გამოწერილი ნივთის ტრანსპორტირებაში მისი ღირებულების ნახევარი გადაიხადა.