უმძიმესი კადრები - დედოფლისწყაროში მგლებმა 100-მდე ცხვარი დაგლიჯეს - პალიტრა ვიდეო

დედოფლისწყაროში, იორის ხეობაში, მტაცებელმა 100-მდე ცხვარი დაგლიჯა, დაკარგულია ამდენივე. მეპატრონის თქმით, გუშინ, გვიან ღამით, 10-მდე მგელი ცხვრის ფარას შეესია და გაანადგურა.

„მე ადგილზე გვიან ჩავედი. მწყემსები იყვნენ იქ, ვერაფრით გაყარეს მგლები. ფარასა და ბაკში შეცვენილან და სულ დაუგლეჯიათ. 90-ზე მეტი ცხვარია მკვდარი და 100 დაკარგული. 8-10 მტაცებელი ნადირი რომ დაგესხმება თავს, ვერაფერს იზამ. ვეძებთ იმ დაკარგულ ცხვრებს, მაგრამ ვერ ვპოულობთ. ეგ ადგილები იორის მიმდებარედ, ე.წ. ჭაჭუნას ტერიტორიაა, სადაც ზამთრის საძოვრებია”, - ამბობს მეპატრონე ვაჟა გონაშვილი.