"პრემიერ-მინისტრს გადაუმოწმებელი ინფორმაცია მიაწოდეს" - Psp განცხადებას ავრცელებს - პალიტრა ვიდეო

ფარმაცევტული კომპანია Psp პრემიერ-მინისტრ ირაკლი ღარიბაშვილს პასუხობს.

"მთავრობის სხდომაზე პრემიერ-მინისტრმა განცხადება გააკეთა თურქული მედიკამენტების მიმოქცევასთან დაკავშირებით. პრემიერ-მინისტრს გადაუმოწმებელი ინფორმაცია მიაწოდეს.

ფარმაცევტული სექტორი თურქული წარმოების იაფიანი მედიკამენტების პროექტში მომზადების ეტაპზევე ჩაერთო და დღეს PSP არის თურქული მედიკამენტების ერთ-ერთი მსხვილი დისტრიბუტორი საქართველოში.

PSP-სთვის მომხმარებლის ინტერესი უპირველესია და შესაბამისად, ჩვენი ფარმაცევტები მომხმარებელს ყოველთვის ექიმის დანიშნულების მიხედვით ემსახურებიან.

ბატონმა პრემიერმა განაცხადა, რომ ინფორმაცია აუცილებლად უნდა გადამოწმდეს, იმედს ვიტოვებთ ეს უახლოეს მომავალში მოხდება და საზოგადოება ინფორმირებული იქნება", - ნათქვამია Psp-ს მიერ გავრცელებულ განცხადებაში.

ცნობისთვის, გუშინ ირაკლი ღარიბაშვილმა განაცხადა, რომ Psp-ს აფთიაქში მყიდველს ეუბნებიან, რომ თურქული მედიკამენტები უხარისხოა.