loader

"მინიმუმ 7 ადამიანი ემსხვერპლა, დაღუპულებს შორის 3 ბავშვია" - იტალიაში, კუნძულ ისკიაზე, მეწყერი ჩამოწვა - პალიტრა ვიდეო

მთავარი ყველა ვიდეო საავტორო ტექნოლოგიები ახალი ამბები საზოგადოება შოუბიზნესი მოზაიკა სპორტი ვიდეოგაკვეთილები მსოფლიო მნიშვნელოვანი ინფორმაცია PALITRANEWS სხვადასხვა

"მინიმუმ 7 ადამიანი ემსხვერპლა, დაღუპულებს შორის 3 ბავშვია" - იტალიაში, კუნძულ ისკიაზე, მეწყერი ჩამოწვა

იტალიის კუნძულ ისკიაზე, ქალაქ ლაკო ამენოში, კოკისპირული წვიმის შედეგად გამოწვეულ მეწყერს მინიმუმ 7 ადამიანი ემსხვერპლა.

მედიის ინფორმაციით, დაღუპულებს შორის 3 ბავშვია, მათ შორის, ერთი ახალშობილი.

კუნძულზე საგანგებო სიტუაციების სამსახურის ათობით თანამშრომელი მუშაობს. მაშველების განცხადებით, ტალახის სიღრმე ზოგ ადგილას 6 მეტრს აღწევს. მიმდინარეობს მოსახლეობის ევაკუაცია.

მომხდარის გამო იტალიის პრემიერ-მინისტრმა ჯორჯია მელონიმ მინისტრთა კაბინეტის სხდომა გამართა და სტიქიის შემდეგ დაზარალებული ადამიანებისთვის დახმარების გაწევის უზრუნველსაყოფად განკარგულება გასცა. განკარგულება ითვალისწინებს პირველადი დახმარების პაკეტს 2 მილიონი ევროს ოდენობით და მოქალაქეებისთვის გადასახადების გადახდის წლის ბოლომდე შეჩერებას.