ცნობილია ზუგდიდში მოკლული 14 წლის ბიჭის ვინაობა
ზუგდიდში მოკლული 14 წლის ბიჭი მე-10 კლასელი საბა მამფორიაა. ფოტოს სოციალურ ქსელში გამოცემა "თაიმერი" ავრცელებს.
მკვლელობა ზუგდიდში მოხდა. მესხიას ქუჩაზე მდებარე საფეხბურთო სტადიონთან არასრულწლოვანი, სავარაუდოდ, ცივი იარაღით გულ-მკერდის არეში დაჭრეს. დაჭრილი მოზარდი სასწრაფო დახმარების ბრიგადამ კლინიკაში გადაიყვანა, თუმცა ის კლინიკაში მიყვანამდე გარდაიცვალა.
არსებული ინფორმაციით, მომხდარს წინ თანატოლებს შორის ურთიერთშელაპარაკება უძღოდა.
შსს-მ არასრულწლოვნის მკვლელობის ფაქტზე 17 წლის ახალგაზრდა დააკავა.