"უკაცრავად ამ სიტყვისთვის - "ჩმორია" - რა განაცხადა ნიკა გვარამიამ სასამართლოში სიტყვით გამოსვლისას?
"სრულიად გასაგები გახდა, რომ ევროპის მოტაცება ვერ შედგა, პუტინი დამარცხდა - ვერ შედგა პუტინი, როგორც ზევსი. ის უკვე ცუდი ბიჭი არ არის, "ჩმორია", - ამის შესახებ "მთავარი არხის" დირექტორმა ნიკა გვარამიამ სასამართლო სხდომაზე სიტყვით გამოსვლისას განაცხადა.
ცნობისთვის, თბილისის სააპელაციო სასამართლოში "მთავარი არხის" დამფუძნებლის, ნიკა გვარამიას, კახაბერ დამენიასა და ზურაბ იაშვილის სასამართლო პროცესი მიმდინარეობს.
დღევანდელ სასამართლო პროცესზე მხარეები შესავალ სიტყვებს წარმოთქვამენ. ასევე, დაიკითხება დაცვის მხარის მიერ წარმოდგენილი ერთი მოწმე.