ხვიჩა კვარაცხელია თბილისშია - ფოტოები აეროპორტიდან, სადაც ფეხბურთელს შეყვარებული დახვდა
ხვიჩა კვარაცხელია და ლუკა ლოჩოშვილი თბილისში არიან. ფეხბურთელები საქართველოს ნაკრების საწვრთნელ შეკრებაზე ჩამოვიდნენ.
თბილისის აეროპორტში გადაღებულ ფოტოებს ,,რადიო თავისუფლება" ავრცელებს.
ცნობისთვის, საქართველოს ეროვნული საფეხბურთო ნაკრები უეფას ერთა ლიგის დასკვნითი მატჩისთვის მზადებას იწყებს.
ვილი სანიოლის გუნდი 23 სექტემბერს, თბილისში, ჩრდილოეთ მაკედონიას დაუპირისპირდება.
გიბრალტარისა და საქართველოს მატჩი 26 სექტემბერს შედგება.
ერთა ლიგის უახლოესი თამაშებისთვის ეროვნული ნაკრების მთავარმა მწვრთნელმა შემადგენლობა დაასახელა. 23 ფეხბურთელს შორის ერთი დებიუტანტია - საფეხბურთო კლუბ წყალტუბოს სამგურალის მეკარე ლევან შოვნაძე.
ჩრდილოეთ მაკედონიასთან და გიბრალტართან მატჩებისთვის მოსამზადებელი საწვრთნელი შეკრება 19 სექტემბერს, თბილისში დაიწყება.