კიკეთში სროლის შედეგად დაჭრილი ერთი ადამიანი გარდაიცვალა - პალიტრა ვიდეო

კიკეთში სროლის შედეგად დაჭრილებიდან ერთი პირი გარდაიცვალა.

შინაგან საქმეთა სამინისტროს თანამშრომლებმა კიკეთში მომხდარ მკვლელობისა და დაჭრის ფაქტებზე გამოძიება დაიწყეს.

როგორც „ინტერპრენიუსს“ შსს-ში განუცხადეს, გამოძიება სისხლის სამართლის კოდექსის 19-109-ე და 236- ე მუხლებით დაიწყო, რაც ორი ან ორზე მეტი პირის მიმართ დამამძიმებელ გარემოებებში ჩადენილ განზრახ მკვლელობის მცდელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

„სამართალდამცველების მიერ იდენტიფიცირებულია დანაშაულის ჩამდენი ერთი პირი. ამ დროისთვის მის დასაკავებლად აქტიური საგამოძიებო ღონისძიებები მიმდინარეობს“, - აცხადებენ უწყებაში.

შეგახსენებთ, რომ კიკეთში ცოტა ხნის წინ რამდენიმე ადამიანი დაჭრეს, მათ შორის, ორი ქალია. დაჭრილი ქალები თბილისში, „ნიუ ჰოსპიტალსის“ კლინიკაში არიან მოთავსებული და მათ სამედიცინო კვლევები უტარდებათ.