"გმირი მშობლების გმირი დათიკო" - დათის ისრაელიდან საქართველოში სამკურნალოდ სავარაუდოდ, სექტემბრის დასაწყისში ჩამოიყვანენ
"გმირი მშობლების გმირი დათიკო" - ამის შესახებ შარტავას ქუჩაზე ავარიისას დაშვებული დათი ქოქრაშვილის ოჯახის ახლობელი თეა ცხადაძე სოციალურ ქსელში წერს და დათის ახალ ფოტოს აქვეყნებს.
დათის ისრაელიდან საქართველოში სამკურნალოდ სავარაუდოდ, სექტემბრის დასაწყისში ჩამოიყვანენ.
როგორც დათი ქოქრაშვილის დედამ, ქრისტინე მამუკაშვილმა განაცხადა, ბავშვს სიცოცხლესთან შეუთავსებელი რისკები არ აქვს და მისი ჯანმრთელობის მდგომარეობა სტაბილურია.
"ამ ეტაპზე, გადაუნერგეს კანი და ველოდებით შედეგს, რამდენად მიიღებს ორგანიზმი. ძლიერი ტკივილები აქვს, თუმცა მდგომარეობა სტაბილურია",- აღნიშნავს ქრისტინე მამუკაშვილი.
შეგახსენებთ, 31 მარტს თბილისში, შარტავას ქუჩაზე მომხდარი ავარიის შედეგად 8 წლის დათი ქოქრაშვილი მძიმედ დაშავდა. დაშავებულს საქართველოში, იაშვილის სახელობის ბავშვთა ცენტრალურ საავადმყოფოში 5 ურთულესი ოპერაცია ჩაუტარდა. მას მარჯვენა ფეხის ამპუტაცია დასჭირდა. ბავშვი ერთი კვირის განმავლობაში მრავლობითი მოტეხილობით იაშვილის კლინიკაში იბრძოდა სიცოცხლისთვის, შემდეგ კი ოჯახმა ისრაელში გადაიყვანა, სადაც რამდენიმე ოპერაცია ჩაუტარდა.