"ქოცებო", გავიგე მამა-მარჩენალს ძალიან დაუტუქსიხართ ცუდად შესრულებული დავალების გამო" - სოსო გოგაშვილი მორიგ მიმართვას ავრცელებს - პალიტრა ვიდეო

"ქოცებო", გავიგე მამა-მარჩენალს ძალიან დაუტუქსიხართ ცუდად შესრულებული დავალების გამო და ახლა ამზადებთ გენერალურ შეტევას ჩემზე, სადაც არსენალში ჩემი საუბრის დაჩეხვა და დამონტაჟება შეგიყვანიათ, რომელსაც გამოაქვეყნებთ. ეს ხო უკვე დააანონსებინეთ "ვიტალი ხაზარაძეებს’": რა ალაპარაკებს და ვინ ალაპარაკებს ამას მალე გავიგებთო" - სუს-ის უფროსის ყოფილი მოადგილე, სოსო გოგაშვილი ციხიდან მორიგ წერილს აქვეყნებს.

მისი თქმით, ეს მეთოდი უკვე მოძველებული და გაშიფრულია.

"არანაირ შედეგს არ მოგცემთ, მით უფრო ამას გადაფარავს თქვენი უწყვეტი და ავთენტური საუბრის ჩანაწერები. ისე ხომ არ ჯობია "სუკის" ბებერი "ვოლკის" ტაქტიკა გამოიყენოთ, გიჟად გამომაცხადოთ ან ფსიქიკურად დაავადებულად, მაგრამ შემდეგ ხომ ციხიდან გაშვება მოგიწევთ ჩემი, მოკლედ შარში ხართ.

პ.ს ახლა არ გამოდგათ "ვიტალი ხაზარაძე" და არ ათქმევინოთ, აი თავს იზღვევს წინასწარ და პრევენციას აკეთებსო. მარჩენალს პლიუს ხუთ კაცში რომ ვიყავი და შინაური ბინძური სამზარეულოს ყველა ხერხი და მეთოდი რომ ვიცი დაგავიწყდათ?

პ.პ.ს მალე: როგორ იწრთობოდა POST TV სუს-ის სპეციალური დანაყოფის შექმნის ქრონიკები". (ვიტალი, ამ პროექტის შექმნაშიც ვიღებდი მონაწილეობას და ახლა იყუჩე)" - წერს სოსო გოგაშვილი.