მკვლელობა აფხაზეთში - ვრცელდება ე.წ. კრიმინალური სამყაროს წევრის, რამინ ხმაილის ჩაცხრილვის დროს გადაღებული ვიდეო
ოკუპირებულ აფხაზეთში რუსი ბიზნესმენის მკვლელობის საქმეზე მსჯავრდებული ე.წ. კრიმინალური სამყაროს წევრი რამინ ხმაილი, იგივე "მასიკი", მოკლეს. ის გვიან ღამით სოხუმში საკუთარ ავტომანქანაში ჩაცხრილეს. ადგილობრივი მედიის ცნობით, "მასიკს", სავარაუდოდ, დაქირავებული მკვლელი ჩაუსაფრდა და ცეცხლი ავტომატური იარაღიდან გაუხსნა. ამის შესახებ ინფორმაცია DNAbkhazia ტელეგრამ-არხზე ვრცელდება...
გავრცელებული ცნობების თანახმად, დაჭრილია მასთან ერთად მყოფი კიდევ ერთი ადამიანი.
"ძალოვანი უწყებები მომხდარზე ოფიციალურ განცხადებას არ ავრცელებენ..." - წერს ekhokavkaza.com.
-0:10 მისივე ცნობით, მასიკ ხმაილი რუსი ბიზნესმენის, სერგეი კლემენტოვიჩისა და მისი მეგობარი ქალის, ოქსანა სკარედნოვას მკვლელობის მონაწილეა. მას საკმაოდ მდიდარი კრიმინალური წარსული აქვს. "მასიკს" რუსი ბიზნესმენის მკვლელობის საქმეზე სასჯელის ზომად 13-წლიანი მკაცრი რეჟიმის კოლონია შეუფარდეს, თუმცა 2019 წელს ჯანმრთელობის მძიმე მდგომარეობის გამო ციხიდან გარკვეული ვადით გაათავისუფლეს.
ვიდეო: აფხაზური ამბები • Аҧсуа ажәабжьқәa