"უკრაინაში ომი უნდა შეწყდეს" - ალექსანდრე ლუკაშენკოს მიმართვა
ბელარუსის პრეზიდენტი ალექსანდრე ლუკაშენკო აცხადებს, რომ უკრაინაში ომი უნდა შეწყდეს, რათა ბირთვული ომის უფსკრულის თავიდან აცილება მოხდეს.
ლუკაშენკომ ომის დაწყებასა და კონფლიქტის პროვოცირებაში დასავლეთი დაადანაშაულა.
"თქვენ გააჩაღეთ ომი და აგრძელებთ მას“, - განაცხადა ბელარუსის ლიდერმა და დასძინა, რომ შედეგის თავიდან აცილება შესაძლებელი იყო, მოსკოვს რომ უსაფრთხოების გარანტიები მიეღო, რომელსაც ის დასავლეთის სახელმწიფოებისგან ითხოვდა.
მისი თქმით, რუსეთს რომ არ დაესწრო, ქვეყანას ნატოს წევრები დაარტყამდნენ.